ລັດ​ວິ​ສາ​ຫະກິດ​ໄຟຟ້າ​ລາວ​ມອບ​ເງິນ​ ໃຫ້​ແຂວງ​ຊຽງຂວາງ 40.000 ​ໂດ​ລາ

ເພື່ອເປັນການປະກອບສ່ວນດ້ານທຶນຮອນເຂົ້າໃນການພັດທະນາວຽກງານພະລັງງານ ແລະ ບໍ່ແຮ່ຂອງແຂວງຊຽງຂວາງນັ້ນໃນຕອນ
ຄ່ຳຂອງວັນທີ 16 ກຸມພາ 2011 ທີ່ຫ້ອງວ່າການແຂວງຊຽງຂວາງ ໄດ້ຈັດພິທີມອບເງິນຊ່ວຍເຫລືອຈຳນວນ 40.000 ໂດລາສະຫະລັດ
ລະຫວ່າງ ທ່ານ ສະຫວາດ ພູມລາວັນ ຮອງຫົວຫນ້າອຳນວຍການລັດວິສາຫະກິດໄຟຟ້າລາວເປັນຜູ້ມອບມີທ່ານ ສຈ.ດຣ. ສົມກົດ
ມັງຫນໍ່ເມກ ເລຂາພັກແຂວງ, ເຈົ້າແຂວງໆຊຽງຂວາງ ເປັນຜູ້ຮັບມີພະນັກງານທີ່ກ່ຽວຂ້ອງທັງສອງຝ່າຍເຂົ້າຮ່ວມເປັນສັກຂີພິຍານ.

ທ່ານ ສຈ.ດຣ. ສົມກົດ ມັງຫນໍ່ເມກ ໄດ້ສະແດງຄວາມຂອບໃຈຕໍ່ລັດວິສາຫະກິດໄຟຟ້າລາວ ທີ່ໃຫ້ການຊ່ວຍເຫລືອໃຫ້ແກ່ແຂວງ
ຊຽງຂວາງໃນຄັ້ງນີ້, ເງິນຊ່ວຍເຫລືອດັ່ງກ່າວຈະນຳໃຊ້ເຂົ້າໃນການພັດທະນາວຽກງານພະລັງງານ ແລະ ບໍ່ແຮ່ຂອງແຂວງຊຽງຂວາງ
ໃຫ້ມີຄວາມຈະເລີນກ້າວຫນ້າ.

http://www.pasaxon.org.la/conten/21-2-11/10.htm

ພະແນກ ພ/ບ ແລະ ສາຂາ ຟຟລ-ຊຂ ຮັບຟັງການເຜີຍແຜ່ເອກະສານບັ້ນດຳເນີນຊີວິດການເມືອງ

ໃນຕອນເຊົ້າຂອງວັນທີ 15 ກຸມພາ 2011 ທີ່ພະແນກພະລັງງານ-ບໍ່ແຮ່ ພະນັກງານ,ກຳມະກອນຈາກ ພະແນກພະລັງງານ-ບໍ່ແຮ່ ແລະ ລັດວິສາຫະກິດໄຟຟ້າລາວ ສາຂາແຂວງຊຽງຂວາງ ໄດ້ເປີດບັ້ນດຳເນີນຊີວິດການເມືອງປົວແປງພັກເພື່ອກະກຽມແກ່ກອງປະຊຸມໃຫຍ່ຄັ້ງທີ 9 ຂອງສູນກາງພັກ

ກອງປະຊຸມປຶກສາຫາລືການຈັດຕັ້ງປະຕິບັດໂຄງການຂະຫຍາຍໄຟຟ້າຊົນນະບົດແຂວງພາກເໜືອ

ກອງປະຊຸມດັ່ງກ່າວໄດ້ຈັດຂື້ນໃນວັນທີ 11 ກຸມພາ 2011 ທີ່ສາຂາ ຟຟລ ຊຽງຂວາງ,ໂດຍມີຜູ້ເຂົ້າຮ່ວມຈາກພະແນກພະລັງງານ-ບໍ່ແຮ່,ເຈົ້າເມືອງ 5 ເມືອງທີ່ກ່ຽວຂ້ອງ,ຜູ້ຕາງໜ້າຫ້ອງການສຶກສາອອກແບບສາຍສົ່ງ-ສະຖານີ,ບັນດາພະແນການທີ່ກ່ຽວຂ້ອງຂອງແຂວງ,ບໍລິສັດ CGGC,ຜູ້ຕາງໜ້າບໍລິສັດຮັບເໝົາ ພ້ອມດ້ວຍວິຊາການຈາກ ຟຟລ

ພະນັກງານ,ກຳມະກອນ ສາຂາຟຟລ-ຊຂ ຮັບຟັງການເຜີຍແຜ່ເຕັກນິກຄວາມປອດໄພ