ພະນັກງານພະແນກພະລັງງານ-ບໍ່ແຮ່,ຟຟລ-ຊຂ ຮັບຟັງປາຖະກະຖາ ວັນຊາດ 2 ທັນວາ ແລະ ວັນຄ້າຍວັນເກີດ ປະທານໄກສອນ ພົມວິຫານ

ພະນັກງານພະແນກພະລັງງານ-ບໍ່ແຮ່ ແລະ ສາຂາ ຟຟລ-ຊຂ ຮັບຟັງການເລົ່າມູນເຊື້ອວັນສະຖາປານາ ສາທາລະນະລັດ ປະຊາທິປະໄຕ ປະຊາຊົນລາວ ຄົບຮອບ 35 ປີ ແລະ ວັນຄ້າຍວັນເກີດ ປະທານ ໄກສອນ ພົມວິຫານ

ຄະນະກຳມະການລົງກວດກາວຽກສຳເລັດການກໍ່ສ້າງຫ້ອງການສາຂາຟຟລ-ຊຂ

ກ່ຽວກັບ ຟຟລ-ຊຂ

ລັດວິສາຫະກິດໄຟຟ້າລາວສາຂາແຂວງຊຽງຂວາງເມື່ອກ່ອນແມ່ນຂະແໜງໄຟຟ້າແຂວງ,ຊື່ງເລີ່ມການເຄື່ອນໄຫວແຕ່ປີ 1975 ໃນເວລານັ້ນມີຈຳນວນພົນ 12 ຄົນ ມີຈັກໄຟຟ້າ 3 ເຄື່ອງ (ຂະໜາດ 40 ກວອ 2 ເຄື່ອງ ແລະ ຂະໜາດ 15 ກວອ1ເຄື່ອງ).ລວມກຳລັງຕິດຕັ້ງທັງໝົດ95 ກວອ.ບໍລິການຮັບໃຊ້ແສງສະຫວ່າງໃຫ້ແກ່ສຳນັກງານ,ຄອບຄົວພະນັກງານແລະ ປະຊາຊົນພາຍໃນເທດສະບານໂພນສະຫວັນແບບບໍລິການເກື້ອນກູນ ບໍລິການ 3.30ຊົ່ວໂມງ/ຄືນ,ເຖີງປີ 1977ຂັ້ນເທີງໄດ້ອະນຸມັດການປັບປຸງລະບົບໄຟຟ້າໃຫ້ແກ່ແຂວງຊຽງຂວາງໂດຍແມ່ນລັດວິສາຫະກິດໄຟຟ້າລາວໄດ້ນຳເອົາຈັກໄຟຟ້າຈຳນວນ 2ເຄື່ອງ (ຂະໜາດ 375ກວອ) ພ້ອມດ້ວຍການກໍ່ສ້າງຕາຂ່າຍ 0.4ກວ ຍາວ 8ກມ.ໃຊ້ເວລາບໍລິການ4ຊົ່ວໂມງ/ຄືນ.ເລີ່ມຈາກປີ 1980ທັງອຳນາດກາປົກຄອງແຂວງຊຽງຂວາງໄດ້ຫັນເອົາ ຂະແໜງໄຟຟ້າບໍລິການແບບໄລ່ລຽງເສດຖະກິດກຸ້ມຕົນເອງເພີ່ມຕົນເອງທາງດ້ານທຶນຮອນເພື່ອຫລຸດຜ່ອນພາລະແບບຫາບຈາກງົບປະມານຂອງລັດ,ເຖີງເດືອນ 6ປີ 1995 ໂຄງການກໍ່ສາງລະບົບໄຟຟ້າທີ່ສູນກາງອະນຸມັດໃຫ້ແຂວງຊຽງ ຂວາງໃນນັ້ນລວມມີ: ໄດ້ກໍ່ສ້າງເຮືອນຈັກຈຳນວນ 1  ຫລັງ ແລະ ຫ້ອງການຈຳນວນ 1 ຫລັງ,ສ້າງຕາຂ່າຍ 22 ກວ ຍາວ 9 ກມ,ຕິດຕັ້ງໝໍ້ແປງ 9ຊຸດ ແລະ ຕາຂ່າຍ 0.4ກວ ຍາວ 25ກມ ພ້ອມດ້ວຍຈັກໄຟຟ້າຂະໜາດ 300ກວອ ຈຳນວນ 2ເຄື່ອງ ມອບໃຫ້ຂະະແໜງໄຟຟ້າແຂວງເປັນຜູ້ຄຸ້ມຄອງນຳໃຊ້ເຂົ້າໃນການບໍລິການ ແລະ ໄດ້ຕິດຕັ້ງໝໍ້ນັບໄຟຈຳນວນ 1.770 ໜ່ວຍ ບໍລິການ5.30ຊົ່ວໂມງ/ຄືນ, ເຖີງວັນທີ25/6/2003 ໂຄງການຂະຫຍາຍ ໄຟຟ້າແຂວງພາກເໜືອໄດ້ກ່ໍສ້າງລະບົບສາຍສົ່ງໄຟຟ້າແຮງສູ 115 ກວ ຈາກເຂື່ອນນ້ຳເລິກ-ໂພນສະຫວັນ ພ້ອມທັງກໍ່ສ້າງຕາຂ່າຍໄຟຟ້າແຮງກາງ34.5,22 ແລະ 0.4ກວ ພ້ອມທັງຕິດຕັ້ງໝໍ້ແປງແລະໄດ້ໂອນເອົາຂະແໜງ ໄຟຟ້າຂອງແຂວງເຂົ້າເປັນສາຂາລັດວິສາຫະກິດໄຟຟ້າລາວ ແຂວງຊຽງຂວາງ

 

 

ວິໄສທັດ

ເປັນວິສາຫະກິດທີ່ນຳໜ້າ ໃນການສົ່ງເສີມການພັດທະນາເສດຖະກິດ-ສັງຄົມຂອງ ສປປ ລາວ​​ ດ້ວຍການຕອບສະໜອງພະລັງງານໄຟຟ້າ ຮັບປະກັນຕົ້ນທືນຢ່າງສົມເຫດສົມຜົນ ແລະ ເຮັດໃຫ້ ສປປ ລາວ ເປັນແຫລ່ງຜະລິດໄຟຟ້າລາຍໃຫຍ່ ຢູ່ໃນລະບົບໄຟຟ້າອາຊຽນ.
 

 

ຫນ້າທີ່

  • ຮັບປະກັນການສະໜອງໄຟຟ້າໃຫ້ພຽງພໍ, ທົ່ວເຖິງ, ທັງມີສ່ວນຮ່ວມເຫລືອ ເພື່ອຂາຍອອກທີ່ມີຄຸນນະພາບດີ ແລະ ສົມເຫດສົມ ຜົນ ເພື່ອສະໜັບສະໜູນການພັດທະນາ ເສດຖະກິດ-ສັງຄົມ ຂອງ ສປປ ລາວ;
  • ສົ່ງເສີມການພັດທະນາ ແລະ ທຳການຜະລິດໄຟຟ້າ ໂດຍຄຳນຶງ ເຖິງສະພາບແວດລ້ອມ ແລະ ສັງຄົມ ເປັນປັດໃຈສຳຄັນ;
  • ຕອບສະໜອງຕໍ່ນະໂຍບາຍຂອງພັກ ແລະ ລັດຖະບານ ໂດຍສະເພາະ ນະໂຍບາຍການຫັນເປັນອຸດສາຫະກຳທັນສະໄໝ, ເປັນລັດວິສາຫະກິດແບບຢ່າງ, ມີປະສິດທິຜົນ ແລະ ມີກຳລັງຄວາມສາມາດດັດສົມພາກສ່ວນເສດຖະກິດອື່ນໆ .

ພິທີມອບ-ຮັບໂຄງການເກັບກຳຂໍ້ມູນຕາຂ່າຍໄຟຟ້າ ສາຂາ ຟຟລ-ຊຂ

ເຂົ້າຮ່ວມພິທີມີ ທ່ານ ອຳພອນ ພົມມະຈັນ ຮອງອຳ ນວຍການລັດວິສາຫະກິດກໍ່ ສ້າງ ແລະ ຕິດຕັ້ງໄຟຟ້າ,ທ່ານ ຈຳປາທອງ ຄະນະໄຟຟ້າພາກເໜືອ ຫົວໜ້າສາຂາ ຟຟລ-ວຈ,ທ່ານ ສຸມູນທາ ບຸນເລື່ອມ ຫົວໜ້າສາຂາ ຟຟລ-ຊຂ

ທ່ານ ອຳພອນ ພົມມະຈັນ ຮອງອຳ ນວຍການລັດວິສາຫະກິດກໍ່ ສ້າງ ແລະ ຕິດຕັ້ງໄຟຟ້າ

ອາຈານ ພະນົມສິນ ຈັນທະຜາສຸກ ສະຫລຸບການຝືກອົມຮົບ

ມອບໃບຢັ້ງຢືນ

ຖ່າຍຮູບຮ່ວມກັບຄະນະນຳ

ສຳເລັດກອງປະຊຸມໃຫຍ່ສອງໜ່ວຍພັກສາຂາຟຟລ-ຊຂ ຄັ້ງທີ I

ກອງປະຊຸມໃຫຍ່ຄັ້ງທີIສອງໜ່ວຍພັກ ສາຂາລັດວິສາຫະກິດໄຟຟ້າລາວ ແຂວງຊຽງຂວາງ (ໜ່ວຍບໍລິຫານ ແລະ ວິຊາການ) ເຊີ່ງໄດ້ດຳເນີນເປັນເວລາ 1 ວັນ ທີ່ຫ້ອງປະຊຸມຂອງສາຂາ ຟຟລ-ຊຂ. ເຂົ້າຮ່ວມເປັນກຽດໃນກອງປະຊຸມຄັ້ງນີ້ໂດຍມີ ສະຫາຍ ສູນທະຍິງ ຂຸນໂຍທາ ເລຂາພັກຮາກຖານ ພະແນກພະລັງງານ-ບໍ່ແຮ່,ສະຫາຍ ສຸມູນທາ ບຸນເລື່ອມ ຮອງເລຂາພັກຮາກຖານ ພະແນກ ພະລັງງານ-ບໍ່ແຮ່ ທັງເປັນຫົວໜ້າສາຂາ ລັດວິສາຫະກິດໄຟຟ້າລາວ ແຂວງຊຽງຂວາງ,ສະມາຊິກພັກພາຍໃນສອງໜ່ວຍ ແລະ ຈາກພະແນກພະລັງງານ-ບໍ່ແຮ່ ເຂົ້າຮ່ວມຢ່າງພ້ອມພຽງ. ກອງປະຊຸມໄດ້ຮັບຟັງບົດລາຍງານການເມືອງທີ່ສະເໜີໂດຍເລຂາໜ່ວຍພັກທັງສອງໜ່ວຍ ແລະ ໄດ້ພ້ອມກັນຄົ້ນຄວ້າ,ຕີລາຄາປະກອບຄຳເຫັນ ແລະ ໄດ້ເປັນເອກະພາບຕໍ່ບົດລາຍງານການເມືອງ,ແຜນທິດ ທາງສຳລັບ 3 ປີຕໍ່ໜ້າ ແລະ ບົດສຳຫລວດການນຳພາຂອງຄະນະໜ່ວຍພັກໄລຍະ 3 ປີ ຜ່ານມາ.ນອກ ຈາກນັ້ນກອງປະຊຸມຍັງໄດ້ເປັນເອກະສັນຮັບຮອງເອົາການສະຫລຸບຕີລາຄາການຈັດຕັ້ງປະຕິບັດວຽກງາແລະ ຄາດໝາຍສູ້ຊົນແຕ່ນີ້ເຖີງ ປີ 2013.ກອງປະຊຸມໄດ້ປ່ອນບັດຄັດເລືອກເອົາຄະນະໜ່ວຍພັກຊຸດໃໝ່.ເຊີ່ງໃນ ນັ້ນ ໜ່ວຍບໍລິຫານມີຜູ້ສະມັກ 5 ສະຫາຍ ເລືອກເອົາ 3 ສະຫາຍ ໃນຈຳນວນສະມາຊິກພັກເຂົ້າຮ່ວມ 11 ສະຫຍາຍແລະໜ່ວຍວິຊາການມີຜູ້ສະມັກ 5 ສະຫາຍເລືອກເອົາ 3 ສະຫາຍໃນຈຳນວນສະມາຊິກພັກເຂົ້າ ຮ່ວມ 9 ສະຫາຍໂດຍຖືກຕ້ອງຕາມລະບຽບກົດໝາຍຂອງພັກ ແລະ ຄວາມຮຽກຮ້ອງຕ້ອງການຂອງໜ້າທີ່ ການເມືອງເພື່ອເປັນຫລັກແຫລ່ງນຳພາໜ່ວຍພັກທັງສອງໃຫ້ກ້າວຂື້ນ. ຜົນສຳເລັດຂອງກອງປະຊຸມຄັ້ງນີ້ໄດ້ ສະແດງເຖີງຄວາມຮັບຜິດຊອບຂອງຄະນະພັກ,ສະມາຊິກພັກ,ພະນັກງານ-ກຳມະກອນ ໄດ້ຢັ້ງຢືນອີກເທື່ອ ໜື່ງແຫ່ງການເຕີບໃຫຍ່ຂະຫຍາຍຕົວຂອງໜ່ວຍພັກເພື່ອເປັນການສ້າງພື້ນຖານອັນສຳຄັນແຫ່ງການສືບຕໍ່ ກ້າວຂື້ນ. ຕອນທ້າຍຂອງກອງປະຊຸມຍັງໄດ້ຮັບຟັງການໂອ້ລົມຂອງ ສະຫາຍ ສູນທະຍິງ ຂຸນໂຍທາ ເລຂາພັກຮາກຖານ ພະແນກພະລັງງານ-ບໍ່ແຮ່ ຄຳໂອ້ລົມດັ່ງກ່າວລ້ວນແຕ່ແມ່ນທັດສະນະຊີ້ນຳໆພາຂອງພັກທີ່ເປັນບ່ອນອີງໃຫ້ແກ່ຄະນະໜ່ວຍພັກແຂວງຊຸດໃໝ່ ນຳໄປຈັດຕັ້ງຜັນຂະຫຍາຍມະຕິກອງປະຊຸມໃຫຍ່ຄັ້ງທີ I ໃຫ້ປະກົດຜົນເປັນຈິງໃນຕໍ່ໜ້າ. ເຊີດຊູຄວາມຮັບຜິດຊອບຕໍ່ໜ້າທີ່ການເມືອງຂອງຕົນ, ເປັນແບບຢ່າງນຳໜ້າໃນທຸກຂະບວນການເຊີດຊູຈິດໃຈເອກະລາດ, ເປັນເຈົ້າຕົນເອງ, ສ້າງຄວາມເຂັ້ມແຂງດ້ວຍຕົນເອງ,ເສີມຂະຫຍາຍຫົວຄິດປະດິດສ້າງນ້ຳໃຈບຸກບືນສູ້ຊົນຈັດຕັ້ງປະຕິບັດມະຕິກອງປະຊຸມໃຫຍ່ຂອງໜ່ວຍພັກທັງສອງໜ່ວຍຄັ້ງທີ I ໃຫ້ມີຂະບວນການຕົວຈິງກ້ວາງຂວາງ,ຟົດຟື້ນ,ມີໝາກມີຜົນຕົວຈິງນັບມື້ນັບຫລາຍຂຶ້ນ. ກອງປະຊຸມຄັ້ງປະຖົມມະລືກໄດ້ຮັບຮອງເຫັນດີເປັນເອກະພາບເລືອກເອົາສະຫາຍ ສີສຸພັນ ພົມມະຈັນເປັນເລຂາ ໜ່ວຍພັກບໍລິຫານ, ສະຫາຍ ພົມມີ ວິລະວົງສອນ ເປັນເລຂາໜ່ວຍພັກ ວິຊາການ.

ການແຂ່ງຂັນກິລາມິດຕະພາບ ສາຂາ ຟຟລ-ຊຂ-ສາຂາ ຟຟລ-ຫພ ຄັ້ງທີ 1

ການແຂ່ງຂັນກິລາມິດຕະພາບ ລະຫວ່າງ ສາຂາ ຟຟລ-ຫພ ແລະ ສາຂາ ຟຟລ-ຊຂ ຄັ້ງທີ 1 ໄດ້ຈັດຂື້ນໃນຕອນເຊົ້າຂອງວັນທີ 17 ກໍລະກົດ 2010 ທີ່ ເດີ່ນກິລາຂອງແຂວງຫົວພັນ.ຊື່ງການແຂ່ງຂັນກິລາຄັ້ງນີ້ປະກອບດ້ວຍກິລາ 4 ປະເພດຄື: ບານເຕະ,ບານຕີ,ກະຕໍ້ ແລະ ເປຕັງ.ເຂົ້າຮ່ວມເປັນກຽດໂດຍມີ ທ່ານ ຟອງປະສິດ ຫົວຫນ້າສາຂາ ຟຟລ-ຫພ,ທ່ານ ສຸມູນທາ ບຸນເລື່ອມ ຫົວຫນ້າສາຂາ ຟຟລ-ຊຂ ຄະນະສາຂາ,ນັກກິລາຈາກສອງສາຂາເຂົ້າຮ່ວມຢ່າງພ້ອມພຽງ.ສ່ວນຜົນຂອງການແຂ່ງຂັນກິລາແຕ່ລະປະເພດມີດັ່ງນີ້:
1) ບານເຕະຊາຍ ຊະນະເລີດໄດ້ແກ່ ທີມ ຟຟລ-ຊຂ,ຮອງຊະນະເລີດ ທີມ ຟຟລ-ຫພ
2) ບານຕີ ຊະນະເລີດ ທີມ ຟຟລ-ຊຂ,ຮອງຊະນະເລີດ ທີມ ຟຟລ-ຫພ
3) ກະຕໍ້ ຊະນະເລີດ ທີມ ຟຟລ-ຫພ,ຮອງຊະນະເລີດ ທີມ ຟຟລ-ຊຂ
4) ເປຕັງການນຳ: ຊະນະເລີດ ທີມ ຟຟລ-ຫພ,ຮອງຊະນະເລີດ ທີມ ຟຟລ-ຊຂ; ເປຕັງ ທີມກຳມະບານ:ຊະນະເລີດ ທີມ ຟຟລ-ຊຂ,ຮອງຊະນະເລີດ ທີມ ຟຟລ-ຫພ;ເປຕັງທີມຊາວຫນຸ່ມ: ຊະນະເລີດ ທີມ ຟຟລ-ຫພ,ຮອງຊະນະເລີດ ທີມ ຟຟລ-ຊຂ; ເປຕັງທີມແມ່ຍິງ:ຊະນະເລີດ ທີມ ຟຟລ-ຫພ,ຮອງຊະນະເລີດ ຟຟລ-ຊຂ.
ການແຂ່ງຂັນຄັ້ງຖືວ່າເປັນຄັ້ງປະຫວັດສາດທີ່ທາງສອງສາຂາໄດ້ພ້ອມກັນຈັດຕັ້ງເພື່ອເປັນການພົບປະແລກປ່ຽນບົດຮຽນໃນດ້ານຂະບວນການວິຊາສະເພາະ ,ກິລາ,ວຽກງານອົງການຈັດຕັ້ງມະຫາຊົນ.ຊື່ງການແຂ່ງຂັນຄັ້ງຕໍ່ໄປທາງສາຂາ ຟຟລ-ຊຂ ຮັບເປັນເຈົ້າພາບ

ກຳມະບານຮາກຖານ ສາຂາລັດວິສາຫະກິດໄຟຟ້າລາວ ຊຽງຂວາງຮັບຟັງການເລົ່າມູນເຊື້ອ ວັນກຳມະກອນສາກົນຄົບຮອບ 124 ປີ

ໃນຕອນເຊົ້າຂອງວັນທີ 30 ເມສາ 2010 ຢູ່ທີຫ້ອງປະຊຸມສາຂາລັດວິສາຫະກິດໄຟຟ້າລາວ ຊຽງຂວາງ ໄດ້ຮັບການເລົ່າມູນເຊື້ອວັນກຳມະກອນສາກົນຄົບຮອບ 124 ປີ ແລະ ສະຫລຸບຜົນງານການເຄື່ອນໄຫວ 1 ປີຜ່ານມາ.ໂດຍການເປັນປະທານຂອງ ທ່ານ ໄພວັນ ສິນທະວົງ ປະທານສະຫະພັນກຳມະບານ ສາຂາຟຟລ ຊຽງຂວາງ,ມີ ຄະນະຮາກຖານມະບານ ແລະ ສະມາຊິກກຳມະບານເຂົ້າຮ່ວມ ຈຳນວນ 54 ສະຫາຍ,ຍິງ 7 ສະຫາຍ.
ໃນໂອກາດນີ້ ທ່ານ ໄພວັນ ສິນທະວົງ ປະທານສະຫະພັນກຳມະບານ ສາຂາ ຟຟລ ຊຽງຂວາງ ໄດ້ເລົ່າຄືນມູນເຊື້ອວັນກຳມະກອນສາກົນ ວັນທີ 1 ພຶດສະພາ ຄົບຮອບ 124 ປີ ຊື່ງໄດ້ຍົກໃຫ້ມູນເຊື້ອຂອງຂະບວນຕໍ່ສູ້ຂອງຊົນຊັ້ນກຳມະກອນ ແລະ ຊາວຜູ້ອອກແຮງງານໃນທົ່ວໂລກ ເຊີ່ງໄດ້ທວງເອົາສິດໃຫ້ຜູ້ອອກແຮງງານຫລຸດຜ່ອນຊົ່ວໂມງເຮັດວຽກ,ເພີ່ມຄ່າແຮງງານໃຫ້ກຳມະກອນເຮັດໃຫ້ຊີວິດການເປັນຢູ່ຂອງກຳມະກອນ ແລະ ຊາວຜູ້ອອກແຮງງານດີຂື້ນ.
ໃນຕອນທ້າຍຂອງກອງປະຊຸມຍັງໄດ້ສະຫລຸບຜົນງານການເຄື່ອນໄຫວຂອງຮາກຖາກຳມະບານ ສາຂາ ຟຟລ ຊຽງຂວາງ ເຊີ່ງໄດ້ສະຫລຸບຄືນໃນການປະກອບສ່ວນບໍລິການຕິດຕັ້ງຫມໍ້ນັບໄຟຕາມແຜນຂະຫຍາຍຂອງສາຂາ,ຂະບວນການເກັບກູ້ຫນີ້ສິນ ແລະ ວຽກງານຫລຸດຜ່ອນພະລັງງານຕົກເຮ່ຍ,ຂະບວນການເພື່ອຫາລາຍຮັບເຂົ້າຄັງໃນນີ້:ຄັງຂອງກຳມະບານຍອດຍົກມາຮອດວັນທີ 1/1/2009 ມີ 14.433.000 ກີບ,ຮັບເຂົ້າຮອດເດືອນ 3/2010 ມີ 43.795.000 ກີບ,ຈ່າຍຮອດເດືອນ 3/2010 ມີ 33.974.500 ກີບ;ຄັງຂອງກອງທືນຊ່ວຍເຫລືອເຊິ່ງກັນ ແລະ ກັນ ຍອດຍົກມາ 1/1/2009 ມີ 21.542.500 ກີບ,ຮັບເຂົ້າຮອດເດືອນ 3/2010 ມີ 7.665.500 ກີບ,ຈ່າຍຮອດເດືອນ 3/2010 ມີ 15.835.000 ກີບ. ລາຍຮັບດັ່ງກ່າວແມ່ນໄດ້ມາຈາກການຮັບເຫມົາວຽກຕັດຕົ້ນໄມ້ຕາມແລວສາຍສົ່ງ ແລະ ວຽກງານອື່ນໆຂອງສາຂາ.ຈາກນັ້ນ ໄດ້ຜ່ານແຜນການໃນຕໍ່ຫນ້າ ເຊັ່ນ: ການສ້າງແຜນເພື່ອຂໍຮັບເຫມົາຖາງແລວຈາກສາຂາໃນປີ 2010,ສ້າງວຽກດີຄົນເດັ່ນພາຍໃນຮາກຖານໃຫ້ໄດ້,ແຜນກວດກາສຸຂະພາບ ແລະ ຂະບວນການກິລາ,ສິລະປະ.ກອງປະຊຸມໄດ້ດຳເນີນມາເປັນເວລາເຄິ່ງວັນກໍ່ໄດ້ອັດລົງດ້ວຍຜົນສຳເລັດ

Previous Older Entries