ລັດວິສາຫະກິດໄຟຟ້າລາວ ສາຂາແຂວງຊຽງຂວາງ ເຂົ້າອວຍພອນ ນາຍ ແລະ ພົນທະຫານໃນວັນກອງທັບຄົບຮອບ 63 ປີ

รูปภาพ

ຮູບພາບການເຄື່ອນໄຫວປະຈຳເດືອນ ເມສາ 2011

ສາຂາ ຟຟລ-ຊຂ ມອບເຄື່ອງອຸປະຖຳໃຫ້ຄະນະຮັບຜິດຊອບຂະບວນການ

ເພື່ອເປັນການສ້າງຂະບວນການວັນເລືອກຕັ້ງສະມາຊິກສະພາແຫ່ງຊາດຊຸດທີ VII.ມາໃນວັນທີ 26 ເມສາ 2011 ລັດວິສາຫະກິດໄຟຟ້າລາວ ສາຂາ ແຂວງຊຽງຂວາງ ໄດ້ນຳເອົາເສື້ອໄປມອບຄະນະຮັບຜິດຊອບຂະບວນການເອົາໄປໝູນໃຊ້ເຂົ້າໃນການສ້າງກິດຈະກຳໃນວັນດັ່ງກ່າວ.

ໜ່ວຍພັກຣາກຖານພະແນກພະລັງງານ-ບໍ່ແຮ່ສະຫລຸບວຽກງານໄຕມາດທີ 1 ແລະ ວາງແຜນການ ໄຕມາດທີ 2

ໃນຕອນແລງຂອງວັນ 27 ເມສາ 2011 ທີ່ຫ້ອງປະຊຸມ ພະແນກພະລັງງານ-ບໍ່ແຮ່ ແຂວງຊຽງຂວາງ,ໜ່ວຍພັກຮາກຖານພະລັງງານ-ບໍ່ແຮ່ ໄດ້ເປີດກອງປະຊຸມສະຫລຸບວຽກງານປະຈຳໄຕມາດທີ 1 ແລະ ວາງແຜນການໄຕມາດທີ 2.ເຂົ້າຮ່ວມພິທີມີ ສະຫາຍ ສູນທະຍິ່ງ ຂຸນໂຍທາ ຄະນະບໍລິຫານງານພັກແຂວງ ຫົວໜ້າພະແນກພະລັງງານ-ບໍ່ແຮ່ ແລະມີຜູ້ເຂົ້າຮ່ວມຈາກ ໜ່ວຍພັກຂອງພະແນກ,ໜ່ວຍພັກບໍລິຫານ ແລະ ໜ່ວຍພັກ ວິຊາການຂອງ ຟຟລ-ຊຂ).

ໃນພິທີ ສະຫາຍ ສຸມູນທາ ບຸນເລື່ອມ ຮອງເລຂາພັກຮາກຖານ ພະແພນພະລັງງານ-ບໍ່ແຮ່ ຫົວໜ້າສາຂາ ຟຟລ-ຊຂ ໄດ້ສະຫລຸບການເຄື່ອນໄຫວ ໂດຍພາຍໄຕ້ການນຳພາຂອງຄະນະພັກແຕ່ລະໜ່ວຍ ໄລຍະ 3 ເດືອນຜ່ານມາ.

    ໃນຕອນທ້າຍຍັງໄດ້ມີພິທີຮັບເອົາສະມາຊິກພັກສຳຮອງຂື້ນເປັນສະມາຊິກພັກສົມບູນ ຈຳນວນ 6 ສະຫາຍໃນນັ້ນ ພະແນກ 4 ສະຫາຍ,ຟຟລ-ຊຂ 2 ສະຫາຍ.

ສາຂາ ຟຟລ-ຊຂ ຈັດການແຂ່ງຂັນກິລາມິດຕະພາບ

ເພື່ອເປັນການສະເຫລີມສະຫລອງວັນສ້າງຕັ້ງ ລັດວິສາຫະກິດໄຟຟ້າລາວຄົບຮອບ 50 ປີ ແລະ ວັນເລືອກຕັ້ງສະມາຊິກສະພາແຫ່ງຊາດຊຸດທີ VII ທີ່ຈະມາເຖີງນີ້ໃຫ້ມີບັນຍາກາດຟົດຟື້ນ ແລະ ເຫັນໄດ້ຄວາມໝາຍຄວາມສຳຄັນຂອງສອງວັນດັ່ງກ່າວ,ສະນັ້ນ ໃນວັນທີ 2 ເມສາ 2011 ລັດວິສາຫະກິດໄຟຟ້າ ສາຂາ ແຂວງຊຽງຂວາງ ໄດ້ຈັດມີການແຂ່ງຂັນກິລາມິດຕະພາບຄັ້ງທີ 2 ລະຫວ່າງ ສາຂາ ຟຟລ ຊຽງຂວາງ ແລະ ສາຂາ ຟຟລ ຫົວພັນ.ເຂົ້າຮ່ວມພິທີມີ ຄະນະນຳ,ນັກກິລາ ພ້ອມດ້ວຍພະນັກງານຈາກສອງສາຂາ,ການແຂ່ງຂັນກິລາຄັ້ງນີ້ປະກອບມີກິລາ 4 ປະເພດ: ບານເຕະ,ບານສົ່ງ,ກະຕໍ້ ແລະ ເປຕັງ,ຊື່ງຜົນການແຂ່ງຂັນກິລາແຕ່ລະປະເພດມີດັ່ງນີ້: 1)ບານເຕະ: ຊະນະເລີດ ສາຂາ ຟຟລ-ຫພ,ຮອງຊະນະເລີດ ສາຂາ ຟຟລ-ຊຂ; 2) ບານສົ່ງ: ຊະນະເລີດ ສາຂາ ຟຟລ-ຊຂ,ຮອງຊະນະເລີດ ສາຂາ ຟຟລ-ຫພ; 3)ກະຕໍ້: ຊະນະເລີດ ສາຂາ ຟຟລ-ຊຂ,ຮອງຊະນະເລີດ ສາຂາ ຟຟລ-ຫພ; 4)ເປຕັງ: (ທີມກຳມະບານ,ຊາວໜຸ່ມ,ແມ່ຍິງ) ຊະນະເລີດ ສາຂາ ຟຟລ-ຊຂ,ຮອງຊະນະເລີດ ສາຂາ ຟຟລ-ຫພ.

ຮູບພາບການເຄື່ອນໄຫວປະຈຳເດືອນ ມິນາ 2011

ລັດ​ວິ​ສາ​ຫະກິດ​ໄຟຟ້າ​ລາວ​ມອບ​ເງິນ​ ໃຫ້​ແຂວງ​ຊຽງຂວາງ 40.000 ​ໂດ​ລາ

ເພື່ອເປັນການປະກອບສ່ວນດ້ານທຶນຮອນເຂົ້າໃນການພັດທະນາວຽກງານພະລັງງານ ແລະ ບໍ່ແຮ່ຂອງແຂວງຊຽງຂວາງນັ້ນໃນຕອນ
ຄ່ຳຂອງວັນທີ 16 ກຸມພາ 2011 ທີ່ຫ້ອງວ່າການແຂວງຊຽງຂວາງ ໄດ້ຈັດພິທີມອບເງິນຊ່ວຍເຫລືອຈຳນວນ 40.000 ໂດລາສະຫະລັດ
ລະຫວ່າງ ທ່ານ ສະຫວາດ ພູມລາວັນ ຮອງຫົວຫນ້າອຳນວຍການລັດວິສາຫະກິດໄຟຟ້າລາວເປັນຜູ້ມອບມີທ່ານ ສຈ.ດຣ. ສົມກົດ
ມັງຫນໍ່ເມກ ເລຂາພັກແຂວງ, ເຈົ້າແຂວງໆຊຽງຂວາງ ເປັນຜູ້ຮັບມີພະນັກງານທີ່ກ່ຽວຂ້ອງທັງສອງຝ່າຍເຂົ້າຮ່ວມເປັນສັກຂີພິຍານ.

ທ່ານ ສຈ.ດຣ. ສົມກົດ ມັງຫນໍ່ເມກ ໄດ້ສະແດງຄວາມຂອບໃຈຕໍ່ລັດວິສາຫະກິດໄຟຟ້າລາວ ທີ່ໃຫ້ການຊ່ວຍເຫລືອໃຫ້ແກ່ແຂວງ
ຊຽງຂວາງໃນຄັ້ງນີ້, ເງິນຊ່ວຍເຫລືອດັ່ງກ່າວຈະນຳໃຊ້ເຂົ້າໃນການພັດທະນາວຽກງານພະລັງງານ ແລະ ບໍ່ແຮ່ຂອງແຂວງຊຽງຂວາງ
ໃຫ້ມີຄວາມຈະເລີນກ້າວຫນ້າ.

http://www.pasaxon.org.la/conten/21-2-11/10.htm

Previous Older Entries